Tasi Tibalau Maubara

fontes fotografia: google.com

Hai belun sira loron kmanek ba ita hotu iha Tasi Tibalau Maubara Fatin turisku ida nebe ho nia natureza ho beleza nebe furak tebes atu atrai vizitantes sra atu mai vizita fatin nee.

Tasi Tibalau ka ho lian ingles Tibalau Beach hanesan tasi ida ne’ebé ho Beleza natureza nebe furak, hodi atrai ema barak nia matan hodi ba Visita fatin ne’e. Tasi tibalau lokaliza iha postu administrativu Maubarano Munisipiu LikisaTasi Tibalau konsidera hanesan mos fatin turismu ida ba nasaun Timor-Leste, maske ho fatin ne’ebé ladún luan maibe Tibalau sai hanesan fatin úniku ida iha nasaun Timor-Leste hodi dada ema barak ba visita. Ema barak mak gosta ba passa ferias fim de semana nian hodi lao ba visita Tasi Tibalau. Tibalau atraidu tebes iha sira nia matan hodi halo sira foti iniciativa ida nebe lalais hodi ba visita fatin ne’e. tamba, Fatin ne’e hanesan lalehan foun ba sira.

Fatin Turizmu

Naran Tibalau agora famouzu tebes iha Timor. Ema timor oan barak mak ba vizita ona tasi Tibalau inklui mos turista balun ne’ebé mai husi nasaun seluk. Ema hotu-hotu gosta ba pasiar no passatempu iha tasi ibun ida ne’e. tamba ho forma vista ne’ebé furak ba ema atu hasai fotografia iha fatin ne’ebá. Tibalau hafurak ho fatuk boot ne’ebé ezisti iha tasi laran. 

Fatin Sagradu

Maske ema barak mak ba vizita no hariis tasi iha tasi Tibalau ne’e, maibe ema rai na’in sira ne’ebé mak hela besik iha ne’ebá tauk tebes atu ba hariis tasi ne’e tamba sira konsidera tasi Tibalau ne’e sai hanesan fatin sagradu ka tasi ne’ebé Lulik Tuir lia na’in sira iha ne’ebá hateten katak wainhira udan la mai, no dala ruma sira nia animal ruma lakon, lia na’in sira sempre ba halo lulik ka hamulak iha tasi ibun Tibalau ne’e iha ai-lok hun ida ne’ebé mak moris iha fatuk leten ne’ebé mak ezisti iha tasi laran ne’e. lia na’in sira hatutan tan katak bee ida ne’ebé ezisti besik iha tasi ibun Tibalau ne’e laos be ne’ebé mak kontamina ho tasi hodi halo bee ne’e sai mer, maibe kontamina ho bee ne’ebé sulin husi foho tun ba tasi. Maibe liafuan sira ne’e la sai kestaun ka impedementu ba ema atu ba visita fatin ne’e, tamba tasi Tibalau atrativu tebes ho nia furak ne’ebé iha hodi dada ema ba visita.